التنمر

بقلم:- د خالد صقر
أخصائي التشخيص والعلاج النفسي
مقدم برنامج من غير كسوف
ومقدم العديد من البرامج التليفزيونية
وضيف دائما بالتليفزيون المصري والقنوات الفضائية الخاصه

الموضوع :- (التنمر)

الناس الذين يحبون انفسهم لا يؤذون الآخرون وكلما كرهنا انفسنا كلما اردنا ان يعانى الآخرون (دان بيرس)

التنمر سمعنا كتير عن التنمر فى الفترة اللى فاتت
بس يعنى ايه تنمر ؟!🤔

هو شكل من اشكال العنف والسلوك السلبي تجاه الاخرين معظمنا اتعرضنا له ، ومننا اللى بيمارس السلوك دا سواء بالضرب والاعتداء أوالشتائم أوالنظرات السيئه أوالسخريه أواتلاف اشياء الاخرين او ارسال رسائل سيئه عبرمواقع التواصل الاجتماعي
وبيكون تنمر شخص ضد شخص او مجموعه ضد شخص وبيظهر كتير جدا عند الاطفال والطلاب فى المدارس.

طب ايه اسباب ظهور سلوك زى دا ؟
١-معظم الطلاب او الاطفال اللى بيمارسوا السلوك دا  تعرضوا اصلا للتنمر من قبل،ومعظمهم بيخافوا انهم يتعرضوا للتنمر فبيلجأوا لمجموعات الطلاب المتنمرين ، دا غير انهم هيكونوا من المشهورين فى المدرسه مثلا .
٢-دايما بنقول نبعد عن ضرب ابنائنا لان اى سلوك هيشوفوة هيقلدوة ، فلما اضرب ابنى هيتعلم العنف والعدوان .
٣-الافلام ووسائل الإعلام اللى اصبحت مليانه عنف وجرائم والفاظ سيئه وبلطجه فالطفل بيتعلم اى حاجه بيشوفها .
٤-الإهمال والتجاهل فى البيت والعلاقات السيئه وكثرة الخلافات بين افراد الاسرة.
٥-افتقار الطفل للشعور بالأمان والحب فبيكون عاوز يجذب الانتباه له بأى طريقه علشان يعوض النقص النفسي دا.
٦- كمان تربيته فى جو به حقد وغيرة واستهزاء به طول الوقت فبيشعر بعدم تقدير لذاته.
٧-احساس الطفل انه ضعيف وشخصيته معدومه ومفيش حد بيسمعه فبيكون عاوز يحس انه قوى وله سلطه وله كيان.
٨-الاب او الام اللى دايما يقولوا (اللى يضربك اضربه)احيانا الطفل ينشأ معتقد بداخله ان التنمر دا هيحققله اللى عاوزة ويضرب اى حد علشان حاجه عاوزها .
٩-الضحايا بيكونوا {المتفوقين- مختلفين الشكل والجنسية-اصحاب الهمم والقدرات الخاصه-الحاله الاجتماعيه الاقل او الاعلى-الطلاب الجدد بالمدرسه-الطفل الخجول}
طب لو طفلى متنمر او ضحيه للتنمر اعرف ازاى؟؟؟🤔
👈لو ضحيه للتنمر: هلاقيه منطوى مش بيحب التجمعات بيغضب بسرعه مزاجه متقلب ممكن كدمات او جروح على جسمه تراجع لمستواه التعليمى اهماله لشكله النوم الكثير يفتقد الرغبه انه يذهب للمدرسه الحزن والبكاء فقدان او زيادة الشهيه احيانا بعض الطلاب فى مرحله الثانوى مثلا بيلجأوا للمخدرات ومنهم بيلجأ للانتحار بسبب الاكتئاب
👈لو متنمر: هلاحظ عليه انه عنيف بيضرب اى حد بسبب او بدون سبب هلاقى الفاظه سيئه ووارد جدا يكون فى البيت هادى وسلوكه كويس بس للاسف خارج المنزل حاجه تانيه طب الحل ايه ، الحل  فى (طرق العلاج )؟!👇
١-حسسوا اولادكم بالامن والامان والاحتواء والثقه من صغرهم واعطوهم فرصه يتكلموا ويعبروا عن اى مشكله بيتعرضوا ليها
٢-لازم نهتم بالناحيه الدينيه علشان نكسب اولادنا سلوكيات سليمه ايجابيه خاليه من ايذاء الاخرين
٣-نبعد عن ضربهم والاستهزاء بهم ونبعد عن اى خلافات بين الآباء أمامهم
٤-المتابعه الجيدة للأبناء داخل المنزل من تصرفاتهم وما يشاهدونه فى التلفاز وخارج المنزل من شكاوى المدرسين او معاملته مع الاصدقاء
٥-جعل الطفل يمارس انشطه والعاب رياضيه حتى لا يصاب بالملل وتدريبه على الدفاع عن النفس ونعرفهم انها رياضه للدفاع فقط وليست للإعتداء على الآخرين
٦-مشاركه الطفل فى الجمعيات الخيرية والمبادرات التى تهدف لخفض السلوكيات غير مرغوب فيها
 فالنهايه كلمه لضحايا هذا السلوك (اذا كان الناس يحاولون اسقاطك هذا يعنى انك تتفوق عليهم)
كلمه لمن يمارس هذا السلوك(الكلمات والتصرفات السلبيه لها قوة كبيرة يمكن ان تحطم الاخرين لذا يرجى الحرص جيداً على تصرفاتنا)
((((رفقا بمشاعر من حولكم))))